Музейные мероприятия

21.02.2024

Да сусветнага Дня экскурсаводаў юныя экскурсаводы школьнага краязнаўчага музея правялі экскурсіі для вучняў 1-5 класаў.

Музейны занятак "Лён у жыцці нашых продкаў"

     Значная колькасць экспанатаў краязнаўчага музея ДУА “Шылавіцкая сярэдняя школа”  - гэта  прадметы этнаграфічнага характару. У асноўным гэтыя рэчы ўжо выйшлі з ужытку, малазнаёмы або зусім невядомы сучасным школьнікам, але складаюць важную частку культурнай народнай спадчыны. Музейны занятак пабудаваны ў нетрадыцыйнай тэатральна-гульнёвай форме з’яўляецца тым педагагічным рэсурсам, што здольны пашырыць і узбагаціць этнакультурныя кампетэнцыі вучняў. Адначасова гэта эфектыўны рэсурс для навучання і выхавання падрастаючага пакалення, фарміравання нацыянальнай ідэнтычнасці, развіцця творчых здольнасцей.

Традыцыйнае беларускае свята  “Багач” з выкарыстаннем прадметаў музейнай калекцыі

Багач — свята заканчэння ўборкі зерневых і пачатак азімай сяўбы. Святкаванне Багача выказвае пашану да зямлі і да хлеба. Багач святкуецца ў дні восеньскага раўнадзенства і прымеркаваны да хрысціянскага свята Ражаства Багародзіцы, у каталіцкім календары 8 верасня, а ў праваслаўным 21.

Свята стала традыцыйным і ў нашай школе.

Галоўнае ў абрадзе святкавання Багача – лубка-кошык, напоўнены жытам, з устаноўленай грамнічнай свечкай. Лубка прыладкоўвалася на самым пачэсным месцы - покуці і называлася Багач. Багач, згодна павер’я, забяспечваў ніву жытам. На свята лубку з зернем і запаленай свечкай па чарзе пераносілі ад гаспадара да гаспадара, тым самым жадаючы кожнаму багацця. Лічылася, што Багач прыносіць у хату дастатак і шчасце. Таму кожная сям’я была яму рада. Захоўваўся Багач усю зіму ў таго гаспадара, які першым сабраў ураджай, або ў каго ён быў найбольшы.